Turismo estrategia baterako hausnarketa diagnostikoa

Euskal kostaldeko jarduera turistikoaren ikur azpimarragarria da egun Getariako herria (Gipuzkoa). 2020an, Covid19ak eragindako osasun larrialdi egoeraren testuinguruan, Getariako Udalak turismoaren inguruko hausnarketa bultzatu nahi izan zuen herriko eragileekin batera. 

1. Turismoaren errealitatearen diagnostikoa burutzeaz gain, lanketa sektorial bat jasotzeko beharra zegoen (etxebizitza, kultura eta merkataritza) turismoari lotutako erronkei erantzuna emateko asmoz. 
2. Modu honetan, turismoaren sektoreko agenteekin bilkura partehartzaileak gauzatu dira, baita sektorekako lanketa-prozesuan ere. Informazio bilketarako ere online inkestak burutu dira.